Geguritan Sang Cangak, Pupuh Ginada Tikus Kepanting

Geguritan Sang Cangak, Pupuh Ginada Tikus Kepanting

"Om Swastiastu"

1.-Bapa jani manuturang

     Nah cening luih mustikan Bapa Idewe,      Nah jani Bapa midartayang utawi mapiteket tekening Idewa. 

   -Apang Cening jeminehin

     Nanging disajeroning piteket Bapane ta, bisang Idewa lakar milihin ane lepas utawi ane beneh.

   -Satuannye ye i Sang Cangak

    Satuan Bapa sing ade lenan, tuah abesik pesan Bapa ngelah satwe, satuan Cangak tuah Cening

   -Ngeka daya, mapi sadu

    Pih Dewa ratu Agung, ha ha ha setate ye ngelah keneh culig, sakewale pengenahne marupa ya darma.

   -Momone Kalengkebang

    Dadi keneh yane ane corah, kekaput yadin kabetiting kalengkebang pesan cening

   -Gampil Ketangkil, Apang sida mikolehang

    Ta ta keta dueg yane I Cangak pang sida ye mapikolih, kabetiting pesan akal yene, kenken jeben ye kal ngelekehang daya.

2.-Ngawit Bapa Ngaturang

    Nah Cening luih mustikan Bapane, tuah I Dewa jani waluye kadi mewali-wali piteket Bapane marepe tekening cening.

   -I Cangak sedek minehin

    Ngelantur dadi satuan Bapane jani, tuturang Bapa dewek ye I Cangak sedeng idepe pesan ye milpilang daya.

   -Ken ken jani ban medaya

    Nah dadi kene ye pebesik, disejeroning keneh yene I Cangak, nah jani ken ken ban ngelekehang daye upaye side ngenanin.

   -Be ne apang bakat ejuk

    Apang side telah be ne ane ade dini di telagane, bakat ben deweke ngawiwe angan.

   -Di telagane apang telah

    Sawireh linggah pesan telagane buine dalem, karura kabinawa pesan be ne liu pange side ye telah, pange ye side ye rered isin telagane.

  -Sekebedik Sadine, Awake ngamah

    Nanging ated ye sekebedik, sebilang wai ye lakar amah, to kete.

3.-Melajah Jani upaye

    Nah paling bagus Jani pipilang pesan dayane, pang side ngenanin, pang side mikolihang.

   -Jani ngamah malu gunain

    Kanggoan malu deweke, waluye kadi mapuase, tengkak malu gelek-gelekang, poose gelek-gelekang.

   -Ngalih di tongos lenan

    Paling bagus Jani lenan laku mapalihan, dini di pageh-pagehane, di jelinjing-jelinjinganne , nah yan sing Maan be kangguan Bates katak.

   -Be ne Apang tuding tau

    Paling bagus udeng putihe Jani jemak, pang marupe Bene darma, pang merupe Bene sadu, lenan-lenan Jani mepalihan pang de ye tau.

   -Alusin ye manuhang

    Nagih Busan gedi ye tekain, be ne ane Ade di telagane, ditu kal ajain Sawa pang ye Ika sayan boh.

  -Sekebedik musti kiye, sayan tabah

    Gaun gatine kalseke bedikan Jani, kal desek desekin, sekancan be ne Pange sayan boh, Pange sayan tabah teken deweke.

 

4.-Yan sube eboh makejang

    Dumadak Ade paswecan Widi mawesane, ye nyidayang boh be ne ane Ade di telagane.

  -Gampang Jani Ben ngejukin

    Nah kale ditu gampang Ken nyongkok, lakar ngejukin totonan, kepaon rasa Nusukan.

  -Pang ye, sekebedikan

   Yen sing nyidayang melekokang ngolol, ta makejang Jani kal ated kai sekebedikang.

  -Keberang johang Munduk

   Disubane Atep teken tujuan gelahe, ye sekancan be ne tur ye kakeberang Johan gati, kaleditu lakar kaperagatang.

  -Ditu mare ye tadah

   Kale ditu mare ye kepakse, dije jalakaran maan ngmyasihan di dikalahin iraga ngeberan, saget Ade nyen bagian ditu dialase.

  -Kenyir-kenyir I Cangak, pragat ngeko daye

   Pih Cening pianak Bapa I dewa, dong disubane ye pragat milpilan daye upayan, ye I Cangak kenyir-kenyir masebeng kedek, sing Ade ajake ngomong, bungker ye kedidiyan ne, nah keto Cening tingkah Cangake.

5.-Cerite sube semengan

   Nah di ngelantur satwan Bapane Cening, Duk rahinane semengan rawosan Bapa teken I Dewa.

   -Di telagane ane asri

    Ditu ditelagane ane dahat ngayun-yuni ane dahat ngelangenin.

   -Maring tengahing alas

    Nanging telagane ento Cening, pih joh pisan, sawat ditengah alase buin apit gunung, luwung pesan totonan.

   -Kepayasin, Bungan Tunjung

    Big Dewa ratu Agung ha ha ha Liu pesan rerenggan tunjung-tunjunge sakemaon bek kewarna ditu Ade Cening.

   -Yeh nyame dalem pisan

    Jani rawosan Bapa Yen buat daleme ento telagane, buih karuro kabinawa pisan, buine ening yehne melilang Cening.

   -Uringane Liu, Bene mulehang alih

   Di kalaning keampehang teken Ida Sang Hyang Puwana, yehe pih Dewa ratu Agung kaples-kaples ening Tan kadi-kadi, ngenah dasar telagane Cening, buine ganggeng Liu maulehang preside Bene ditu dikalaning jeg-jeg suryane ngalih pasayuban.

6.-Majujuk ditu I Cangak

   Dadi gelisan satwan Bapane Cening, rawosan Bapa ye I Cangak jani majujuk, pangus ye tingkah Cangake Cening.

   -Batis nengkleng, Semu rim-rim

    Bihh Dewa ratu Agung ha ha ha pangus ben ye ngae nyempoge, nyak sajan Cening waluye kadi jarane ngetis, nengkleng ye batis ne I Cangak kelingas-kelingus.

   -Mepengangge ye, sarwe petak

    Buine memade made parisade ye I Cangak, waluye kadi singgih perande penganggone, makejang sarwe putih, mudeng putih, masulimpang, magrendeng-grendengan, pangus ulesne Cening.

   -Magunitri, lan Maketu

    Buine tangkahne maselimed ben gunitri sahe Maketu ye.

   -Maanting-anting Masulimpang

    Buine manut care janine misi kokot bolong kupingne, buine masulimpang putih.

   -Care Suci, Mirib kadi Sang Bagawan

    To to keto banggine I Cangak Cening waluye kadi anake sube putus ye, pih Dewa ratu Agung Ha ha ha.

7.-Sing taen ngutang semengan

   Dewa Ratu Agung Cening, tingkah ye I Cangak sing taen-taen ngutang semengan ye, mare pupuk kembang jagate, sube ye delengang-delengeng ye keme.

    -Sang Bake, Suba maningkrik

    Pang danan anake buke Cening keliru, Anake rawosan Bape jani Sang Bake, ye masih lemodang, sube ye ditu nget ngajanan ngekodang, nganginan ngauhan, keto tuah solah ye I Cangak.

   -Majujuk sai di tengah

    Buin ye ditu majujuk buin ye ngaed, buin ye delengan delengeng, buih Dewa ratu he he he pangus pangus tingkah ye I Cangak Cening.

   -Nanging ye sing taen ngantug

    Bi amonto ban ngilehin, tekening pare bene, didian macluag bin dipan ye I Cangak macluag, bene iter ye teken pare bene Cening, ye jeg ngelingus taenan-taenan layah basangne poosne kagelekan Cening.

   -Poos nyane, Kagelekang

    To buin kepek kepek keto ye Cening ha ha ha, penekange batis ne anggon nyutsutin muane, poosne gelekange, duge ben ngelekang poos nah buat pangus yene ngabe daye.

   -Ngualek diati, Mahati buin kesepan

    Dadi ngewalek disejeroning keneh, nah jani kai mapuase buin kejepang gen taenan tran, yen sing telah makatimun barak, Mangka, singnyak lege keneh deweke, keto ye keneh ne I Cangak.

Kalanturan antuk pupuh sinom silir ring Artikel Bali.Sura sane tiosan.

"Om Santi, Santi, Santi Om"