Belajar Tembang Bali, Pupuh Sinom Siwa Gati, Geguritan Sang Cangak.

 

Belajar Tembang Bali, Pupuh Sinom Siwa Gati

"Om Swastiastu"

3.-Bapa tusing, dadi tulak

    Sawireh Bape sube nampi seger oger, to karanane anake buke Bape sing je bani tulak, manut teken pawisik Ida Batara.

   -Teken pawisik, Sang Hyang Widi

    Kenken jani pawisik Ida Sang Hyang Widi wasa, sing je bani lakar mlengkas sing je bani piwal.

   -Jani sube, Bape nyalanang

    Buine sube anake buke Bape, ngelaksaneyang pari agem sang merage darmika, buine Bape sai sai katurang yen ade anak ngaben, yen ade anak metelu bulanan, liu jani nak mesisye tekenan Bape Cening.

-Dadi pedande, merage suci

    Karanane jani Bape bani ketu kene, nyaluk gunala gunitri suba Bape ngelarang kesucian.

   -Suud memangse, Memati mati

    Nah uli ditu jani anake buke Bape suud suud pesan, Bape memati mati buine sing je taen jani Bape, nah antegan jani tutur Bapene keme, buine sing taen Bape madesek tekenan deliti sing dadi Bape nu.

   -Dosan Bape, ane malu

    Nah jani gumantosne Bape mayahin buat parisolah Bapane ane malu malu ane angkara, jani sube Bape ngelarang kedarman.

   -Terus Bape, Apang telah

    Nah jani ganti Bapene nebusin, apang lunas lunas utang Bapene, undagin Bapene pangde neket, Bape kesupungan baan ane dekot.

   -Ede takut, Cening jani

    Ta karanane Bape kedeh ngorahin anake buke Cening de pesan takut takut tekenan Bape yadin je Bape magunili magunitri, yadian meketu de Cening takut takut mai mai ning desekin desekin Bape Cening.

   -Mai mapunduh, Ngajak Bape mapendeman

    De ngejoh ngejoh Cening mai mai desekin cening cening ajak Bape mawirase mapendeman merawes rawesan pange cening cening masi tau nawang tate base lakar matur tekenan singgih Perande nah yapin tekenan Bape okasan kaget ade yen tepuk pangde ngandang nganjuh atur Cenininge.

4.-Sang Baka, nyak madingehan

    Ta Cening keto pangusne sang bakane dong ngencah ketundun kedekne Cening.

   -Reh dayane, mengambahin

    Ape karanane Bape ngorahang waluye kadi kebelabaran lege nepus ketundun kedek ye I Cangak, ben sube ngambahin jani doyan ye ane corah ane culig ta sube mapikolih.

   -Bene Sing, mangde rengas

    Mepuare sing jani ade nu rengas sekancan pare bene setate ye kerejeng jani cenik kelih bene ngerejeng ue I Cangak.

   -Ade meleb, manesekin

    Pebalih ye I Cangak ane malu malu anak sing taen nganggon ketu nganggon sulempang dong rejeng ye I Cangak ning beh kerubung teken pare bene heh heh heh.

   -I Cangak, menyambungin

    Sawirih aketo tingkah pare bene, jani ngelantur kesatwang dadi kesambung sambungin buin satwan ye I Cangak pang nyak nyemponge pesaje.

   -Prejani, meseh semu

    Ta keto duweg ye I Cangak Cening nget prejani ye ngeseh semu care baas dolog semune Cening heh heh heh.

   -Mamunyi ngarod, megat megat

    Beh sahe pandulame munyin ye I Cangak ngarod ngarod pangnyak sedih watek pare bene, buin pegat pegat munyin Cangake Cening.

   -Uduh panak, Bape Cening

    Dong Dewa Ratu Agung kangen kangen ati anake buke Bape marep teken ukudan Cening.

   -Tuara Buung, Cening engal kerusakan

    Yen kene kene she jagate terak gede pesan sing se kadi kadi lakarang, sinah lakarang anake buke Cening lacur lacur mawesane Cening dini ade ditelagane kerusakan kerusakan cening.

Kelanturan antuk Pupuh Sinom Cangak ring Artikel Bali.Sura sane tiyosan

Dilanjutkan dengan Pupuh Sinom Cangak pada Artikel Bali.Sura yang Berikutnya.

"Om Santi, Santi, Santi Om"