Belajar Tembang Bali, pupuh sinom silir.

 

Geguritan Sang Cangak, Pupuh Sinom Silir.

"Om Swastiastu"

1.-Akudang Dina.Kapa I Cangak

    Ngelantur dadi satwan Bapene marepe teken Cening, Jani ceriteyang Bape satwan ye I Cangak ajudan Dine kape makelone I Cangak.

   -Nyalanang daye, ane culig

    Nyalanang buat daye yene ane setate angkare.

   -Mabet-mabet, tuare mangsa

    Dong keto akal yene I Cangak Cening, mabine-bine ye sing nu kamati-mati, sawireh ye sube mapakaian makejang sarwe petak.

   -Yadin ade, Manguyakin

    Nah yapin je Ade sekancan pare Bene nguyakin batis ye I Cangak, beh Dewa ratu ngelingus ye I Cangak Cening, heh heh heh.

   -Bene sayan Bani

    Sawireh keto tingkah ye I Cangak, beh nget Bani nesekin ye I Cangak, sekancan pare Bene ane Ade di telagane.

   -Mapunduh, ye ngerubuk

    Tampak kuntul langulayang galihin kangkung nih heh heh heh, dong keto pangus ne ye I Cangak, dadi Bani sekancan Bene geliang gelieng ditu, buin ngenah buin ngerimis buin ngejohang ye, keto tingkah Bene Cening.

   -Ade Bani, menatasang

    Nah Jani Ade Bene ane Bani paek teken ye I Cangak, dadi netes keadaan ye I Cangak.

   -Matur Nunas, sisin

    Sahe matur Bene nunas ampure pesan, teken Ida prande dedalihan Prandane totonan.

   -Aksamang Ratu, tityang mangkin manunasang

    Mapi daweg pisan tityang, majeng ring I Ratu Singgih Prande sakti, nanging kedeh pisan tityang ngelungsur, utawi mapinunas ring cokor I Ratu.

2.-Tityang dahat, Anggob pisan

    Nangin kedahatan pisan, angob angob wiakti ngantenan, indik I Ratu Singgih Prande kadi mangkin.

   -Dados usan, Memati mati

    Karinguran mati lemah bih heh heh heh, mamitan lugre tityang Ratu Singgih Prande napi mawanan I Ratu usan ne mangkin Memati mati apanggenin insakarme Ratu Singgih Prande.

   -Memangse, sekancan titiang

    Ane dumun wantah nenten rered, I Ratu Singgih Prande memangse mangse, indik tityang iriki ring tengah telagane, makemiwah sisyan I Ratu makesami.

   -Sang Bake, Kenyum nyaurin

    Mare amonto dadi atur Bene, ne Jani rawosan Bape, Ida Singgih Prande sang Bake Jani buin ngewiwitin.

   -Yen ento, tunasang Cening

    Nah Cening Cening sisyan Bape ajak makejang, Jani bagusan pesan madingehan buat tutur Bapene, marepe teken sisyan Bape Ajak makejang, nah Yen ento Jani rawosan.

   -Nah konyangan, malu kumpul

    Nah Jani kene-kene Ben Cening ajak makejang, bagusan malu kumpul Jani, sangkepan sangkepan Jani nyaman nyaman Ceninge.

   -Apang onyo, madingehan

    Nah subane nidayang kumpul, Cening makemiwah sisyan sisyan Bapene ajak onyo.

   -Luntang Bape, linguni

    Laksanan Bape ane malu malu, tuturang Bape Jani tekening Cening.

   -Saking Tuhu, Jani Bape, manuturang

    Saking ngawit sane rawosan Bape, nah Jani ulih kekukuh pageh nyet Bapane ane malu tuturang Bape.

1.-Ne malu, maan sakit rahat

    Ane malu maan Bape sakit berat, sing side pesan ben Bape naenan, sakit Ila yen Care janine.

   -Das dasan, Bape mati

    Tambis tambis anake buke Bape sube mati, yen teke saje dugas ento, Bape emasing mati mati, nyen ajak Cening mawirase buke jani Cening.

   -Rangirang, petak, katah

    Yen sing keikutin ngaput itulang, bih liu sube pagelates benyah ancur.

   -Angkianne, nu abedik

    Buine jiwepremanan Bapene beh klebit klebit, klebut tuah abedik di kekolonganne, beh Dewa ratu tambis tambis Bape sing je enu Cening.

   -Gantin Bape, nu maurip

    Jenenge konden ade janjin Bape ne mati, buine kaduluran sakin suwecan Ida Sang Hyang Widi wasa, nu Bape hidup buka jani.

   -Betara, Asung Nulung

    Olih keiyengin Bape tekening pare leluhur leluhur Bapene, makemiwah Ida Sesuhunan Bapene, ledang nulung Bape nu hidup.

   -Masabde, saking Mantra

    Nah jani ngelantur satwan Bapane marep tekening Cening, sisyan Bapane dadimaan Bape pawisik pawecikan Ida Batara olih komantarane.

   -Mapice Obat, dahad silib

    Olih pawicikan Ida Batara, ngenikayan adane buku Bape tamboane lintang singid.

   -Apang suke, Bape nyalanang Inso karma

    Nah dadi kene pawecikan Betare, pawisik Ida Batara pang suud je Bape ngelarang ngelaksaneyang ane madan memati mati, nah kenikayang sube anake buke Bape, pang putus kul putih jani Bapa kelaksaneyang.

2.-Yan side Bape, Ngiringan

    Disubane Bape ngiringan, manut tekenan pawisikan Ida Batara.

   -Bape Seger, tere niakin

    Rumasat tanpe ubad anake buke Bape, jeg seger oger, sehat walafiat Bape.

   -Tanpe Boreh, tanpe ubad

    Nah sing je Bape kanti buin mekedehdehan, Bape ngalih balian nget sing je maboreh sing je maubad, nget je seger Bape Cening.

   -Disubane, Seger jani

    Nah dadi ngelantur satwan Bapene buin amatre, di subane katekaning Bape seger buke jani.

   -Bape buin kanikain

    Nah buin maweweh weweh pawisik Ida Batara.

   -Meprayas, tirta mapupun

    Lantas Bapa maprayas tirta tur meprawita, mepudkale lantas Bape.

   -Mawinten terus mediksa

    Saha Bape mawinten tapa, lantas Bape madikse, pange madan pragat paileh Bapane idup.

   -Nganut sesane, suci

    Pange Bape side nganutin sang angelaran kebiksukan.

   -Dadi wiku, nyalanan kedarman

    Nah Uli ento karanane Bape nyaluk busane, kawikun nyalanan indik kedarman, tuah Bape medasar ben upadesa.

Kalanturan antuk pupuh sinom siwa gati, ring Artikel Bali.sura sane tiyosan.

Dilanjutkan dengan pupuh sinom siwa gati, pada Artikel Bali.Sura yang lainnya.

"Om Santi, Santi, Santi Om"