Belajar Tembang Bali, Pupuh Ginada

Belajar Tembang Bali, Pupuh Ginada

"Om Swastiastu"

1.-Sawireh pesu, Runga lahang

    Nah jani cening, ceritayang Bape keadaan ye I yuyu suara ane ngelahang ye sing maan suara reh pedidian ye mepetahan nu di sajeroning keneh yene.

2.-I yuyu, jani nangis

    Reh merase teken dewekne kalah tekenan tetujon. Nengil ye jani beh Dewa Ratu Agung meklungah cenikan ngesil ye Cening.

3.-Cerita mani pesemengan

    Nah buin mebalik-balik munyin Bapene Cening disubane jani prasida pasemengan gunine.

4.-I Cangak, Suba jumujuk

    Saget junujuk ye ditu ditelagane beh Dewa Ratu Agung kenyen kenyem ye I Cangak ngantian.

5.-I yuyu raris, nyembah

    Nah jani ceritayang Bape ye I yuyu nyenbah tekenan Ida singgih Prande I Cangak lemodang totonan.

6.-I Cangak, Ngituk-ngitukang sirah

    Beh pangus ban ye, ngituk-ngigukan tenas yene I Cangak tekenan sekancan pare bene.

1.-I Cangak mamunyi, Banban

    Nah Cening panak Bape I Dewa ne jani apang sida lantur satwan Bape teken Cening jani ngawiwitin ye ngomong I Cangak sahe banban alus, munyin yene.

2.-Sube pacuk, ben Cening

    Nah Cening cening pianak sisyan Bape ajak makejang ane ade dini ditelagane manut teken rawos Bapane abe ibi ken ken sube anut ajak cening nyaman nyaman I Dewane makejang.

3.-Men pacuk, lan mejalan

    Nah yen sibe mejangkepang tatujon Ceninge nah jalan jani kinkinan meparidabdab lakar mepindah.

4.-Bape tusing, makse bengkung

    Disejeroning medabdab Cening, nah sing je Bape lakar meregili pange kene, pange keto sawirih suba madab Bape tua nyaluk kedarman, yan sing nyen cocok sing je Bape bengkung ngajakin Cening to nak alah ayune to sing nah Cening lakar nerime to Bape si sing bani bengkung.

5.-Lamun Cening, Tuare nyak

    Nah yan sube peroh sing sajan ade tatujon Cening mapuare sing Cening nyak ajak makejang.

6.-Tusing pedih, Wirih Cening, Ngeraseyang

    Sing jegjeg iju iju adane buke Bape lakaran branti ta tuah Cening lakaran nemokan tur ngeraseyang.

1.-Suwedarman Bape, ngundukan

    Wireh adane bike bapa sube ngerangsuk kawikun suwedarmaning dadi anak Lingsir sing dadi lakaran keto ta anake bike Bape.

2.-Mapewekas, teken Cening 

    Ta karanane anake buke bapa pikedeh mapiteket utawi mapitutur marep teken sisyan-sisyan Bapene.

3.-Apang tusing, kene bencana

    Yen tuah dadi acepan bape, pang danan anake buke Cening kene sengkale.

4.-Kening Bape, saking Tuhu

    Yen tuah basang Bapene care takilan, kegahgahin pang Tawang isin basang Bapane pang Cening tau nah saking saje-saje keneh Bapane Cening.

5.-Nulungin, buke I Dewa

    Nah saking buat pikedeh keneh bapene nulungin sisyan Bapene ajak makejang ane Ade dini di telagene.

6.-Ede cening, batin bapa, kesiab-kesiab

    Nah enta bagusan ngelik-ngelikin papinehin buat munyin Bapene buin sayan-sayan tes-tes ajerih keneh bapene ketakutan Dayan nyen ubeke malu-malu adane buke Cening dini.

1.-Bene Jani, megarang

   Nah Cening pange lantur Kawi ceritane, dunarane amonte ye I Cangak mamunyi, megarang dadi Bene nyagjagin ye I Cangak.

2.-Ngaturang awak, saling malunin

    Kebuatan Bene nyerahang dewek ngaturan dewek marep teken Ida Prande dedalihan perandane totonan saling pemaluan saling pelangkungin. Jam

3.-Nunas Ratu, kuangan gelisan

    Mapidaweg pisan titiang Ratu Singgih Perande utama. Puniki sisyan I ratune gelis-gelis pangde gelisan ubeke nyanan telas sekancan pare menege-menegene meriki ngubek titiang gelisan pang titiang maurip kantun. 

4.-Buat titiang, mangse kantun

    Yen sadye Rahayu titiang saking mangkin, mawit saking lugrahan I Ratu pasuwecan I Ratu Singgih Prande jaga nyahkutan titiange lemper sanggar mangde manyawite ring I Ratu masiwa ring cokor I Ratu.

5.-Sang Cangak manyawisan

    Nah Cening mare amonto bene matur terkenang I Cangak lemodan nah Jani I Cangak sube ye nyungkinan. 

6.-Mamegilir, kudiang Bape, cepokan

    Nah yan sube kete Cening ajak makejang, nanging kene, megilir nyen Cening, manut Kadi rawes Bapane ane tuni seke selai (25) nyen, kudiang Bape lakaran ngandong kene Bape sube tua gud-gud kene sing Pati mampuh.

1.-Serahina, kagilirang

    Nah Cening pianak Bape penge side napuk Kawi caritane, disubane amonto terus ye Jani mekeber ngaje kanginan muat sekancan para Bene magilir.

2.-Sang Cangak, k ndel mengikik

    Bih Dewa Ratu Agung heh,heh,heh, Mendel Tan kadi-kadi nyet ye I Cangak waluye kadi kelebaran lege.

3.-Mokoh Sadina, Maan ngamah

    Nah mokoh sadine ye nyotot-nyotot sekancan pare Bene.

4.-Kejohan, Maring gunung 

    Beh Dewa Ratu buin ngenah, buin ilid joh Tan kadi-kadi di gununge sawat.

5.-Diduur batune, asah

    Nah Jani caritayang Bape Ade Jani batu lempeh asah Tan kadi-kadi di gununge Kadi tikehe kebatan.

6.-Ngai silih ane keto, pangde Nawang

    Kesiliban pesan Apang sing ade anak nepukin dikalaning ye lakaran nah nyotot-nyotot ngolol sekancan Bene mekejang, Apang danan je ye I Cangak kacirian pang sing ade ane lenan buin tau sekancan para Bene ane ade ditu di telagene, pang mekelo ke ye Maan ngajang-ngajangin.

1.-Makelo-kelo, sube sinah

    Nah Cening di subane mekelo sube janten tinggelas waspada.

2.-Bene, sayan tekis

    Bene ane Ade ditelagane manut teken rawos Bapane ane Busan telah sing Ade nu mekrocokan meklenyiran.

3.-Tuare, enu megantungan

    Dewa Ratu Agung anggon ubat kejet-kejet ngalih be abesik sing je Maan ditu ditelagane.

4.-Tulang nyame, Liu madug-dug

    Rawosan Bape Jani tulang-tulang Bene ditu dibatu ane lempeh ane rawosan Bapa tuni beh Dewa Ratu Agung megomplek-gomplok, medug-dug Cening.

5.-Dibatu tongos, ne ngamah

    Di kenjekan jeg-jeg suryane ye I Cangak nyotot-nyotot duur batune sekancan Bene.

6.-Ne siduri, I Yuyu, kene giliran

    Nah Jani lanturan satwan Cangake Cening, ane paling durine ye Jani I Yuyu kene giliran lakar mepindah di telagene manut teken rawos ye I Cangak.

1.-Digantine, kepindahan

    Nah Jani sube praside napuk dinane keenjekan ye lakar kapindahan.

2.-I Yuyu sube di tepi

    Beh Dewa Ratu Agung I Yuyu Teke jeg nyengku di bibih telagane.

3.-Sang Cangake, Enggal Teke

    Rawosan Bape ye I Cangak lemodang padande Bapane praside ye sube Teke.

4.-I Yuyu, nesek matur

     Nah Jani sawireh mulas kewaspadayang tekening ye I Yuyu janinye ngenagsekang jani ye lakar matur tekenan Ide Prande I Cangak lemodang.

5.-Inggih paduka, padanda

    Mamitan lugre titiang ring suryan titiange sakti.

6.-Nunas gelis, mangde ten, titiang kasepan

    Nunas pisan ledang I Ratu Singgih Prande gelis-gelis titiang pindahan Ratu mangga sampunan titiang kantos kasep sampun napi pedadosan titiang iriki kantun ring telage padewekan.

1.-I Cangak, Sada runtag

    Mare amonto munyin yuyune Cening kadingeh teken ye I Cangak Dewa Ratu Agung ketug-ketug bayune Ben jejeh ye ne runtag bayune Cangake Cening.

2.-Yen ento ketare, nejani

    Yen sajate ketanggehan Dayan I dewek keto keneh I cangake Cening, dong ken-ken lakaran deweke bes moni yuyune jeg nyengku lamun tepas paone.

3.-Sing buung, lakar sengkale

    Bes moni lamun kedebong boy batune geden kapitne bin kritip-kritip ken-ken Yen ne Maan ngakesan deweke lakar Nemu sengkale.

4.-I Yuyu, ngarepangati

    Beh terus-terus Jani ngarepan ye I Yuyu, Patek teken Ida Singgih Prande.

5.-Baong nyame, kagisiang

    Beh Jani ngelepat kapit ye ne nget canggem baong ye I Cangak ngelanting ye diri Cening.

6.-Antuk kapit, turmatur, Apang Enggal

    Disubane kacangem Baan kapit ye ne buin ye meweweh ya maturye I Yuyu, Ratu Singgih Prande sakti gelis-gelis, gelis-gelis Ratu pindahin-pindahin titiang mangde sampunan titiang kantun iriki bin titiang Ten nau pisan iriki nyen ajak titiang menyame braye telah sampun kawan-kawan lama mepindah tu.

1.-Tuare dadi, tanggehang

    Nah disubane keto singpesan dadi tangehan kitan ye ne.

2.-I Yuyu pangke, enggalin

    Apang enggal-enggal ke kebuatan ya I Yuyu pang nu den ye hidup.

3.-Alon, I cangak ngeberang

    Ne Jani lakar 

ceritayang Bape sube keberang beh pelan-pelan key ngereres care gunungne mejalan ulesne bes gede yuyune Cening.

4.-Di baong Nye, I Yuyu I Cangak 

    Sing kelblebin baong ye I Cangak tekenang ye I Yuyu.

5.-Kegelisan, teked di batune asah

    Ne Jani rawosan Bape ye I Cangak, Enggal teked ditu sube di batune ane asah di tongos ye nyotot-nyotot laad ne sekancan pare Bene Cening.

1.-I Yuyu, memedasang

    Nah Jani sube diri di batune asah Jani tureksa pesan ye I Yuyu siksa tekenan dewek tur kepedasan pesan parindike ane ade ditu.

2.-Tulangnye, medug-dug, ne memutih

    Sawireh mamutih tulang pare Bene ditu megomplok-gomplok madugdug-dugdug.

3.-Nanging ye, sadia

    Buine sengeh pesan ye  I Yuyu tetep ye sedia sing je ngutang-ngutang sikse.

4.-Jani buktine, ketemu

    Buine sube manut pesan teken, tetaksiran ye I Yuyu ane malu-malujan saja bukti sube tepukin tekenan ye I  Yuyu.

5.-Kapitne, keakesang

    Nah Jani tur kaasekang kapit ye ane renggah totonan kajepit baong ye I Cangak Cening.

6.-Tur mamunyi, iba cangak, nang orahang

    Nah Jani mamunyi ye I Yuyu, eh Ibe I Cangak ken-ken pituin nyet ibene, Dayan ibene Jani tegarang orang pang kai Nawang.

1.-Tulang ape, mekacakan 

    Newaspadaang kai  adane para tulang-tulang ane memutih mekacakan tulang ape tetenan.

2.-Miwah encen, Danune suci

    Manut teken rawos-rawos I bane ane sube-subenyangkepin ditu ngorahang Ade telage ane ngelangunin ane suci centekerang rawesan pang kai nawang jani sube tawang  buktin keneh ibane.

3.-Jani kai sube pedas

    Jani kai sube pedas Nawang teken Dayan I bane ane culig jani sube taenan lakaran.

4.-Ibe mapi-mapi, sadu

    Yen goban kejantenan ketekanin pakaian I bane, semun I bane saje Ibe mapi-mapi darma mapi-mapi putus, nah Jani be paang karuan Jani.

5.-Nyaman kai telah keamah

    Keranane mekacakan tulang-tulang kerayaning pare siksik ane dini musti Ibe laad ngamah nyaman-nyaman kaine.

6.-Cai de mungkir, Mukti gede menyihnayang

    Yan saje-saje Ibe satrie tuhu mautama de Ibe lakar Wedi neh jani sube.jani centokan buat kapurusan Ibe ne, nah ne bukti ane santet nyinahang buat kecorahan Ibe ne Cangak.

1.-Sambil kapitnye, keakesang

    Beh Dewa Ratu Agung geregetan ye I Yuyu keakes, kejepit dadi baong ye I Cangak ek, ek, ek, ngidiolas Yuyu de sangetan sadoranaan gen Yuyu.

2.-Ngebadbad, mengancam mati

    He Ibe Cangak Jani tegarang lautan dawanan pesan baong ibene amun ape dawane, telungdepa Jani sube pragat lakaran.

Kelanturan antuk pupuh dang-dang ring artikel Bali.Sura selanturnyane

Dilanjutkan dengan pupuh dang-dang pada artikel Bali.Sura selanjutnya.

"Om Santi, Santi, Santi, Om"